Qostanaı oblysynda jeńil kólik júk kóligimen soqtyǵysyp, eki adam mert boldy
QOSTANAI. KAZINFORM – Qostanaı oblysyndaǵy Qostanaı – Qarabutaq avtojolynda jeńil kólik pen júk kóligi soqtyǵysyp, eki adam qaza tapty. Taǵy bir adam aýrýhanaǵa jetkizildi.
Jol apaty Beıimbet Maılın aýdanynyń Tobyl aýyly mańynda bolǵan.
Aldyn ala málimet boıynsha, Kia Sorento kóliginiń júrgizýshisi rólge ıe bola almaı, joldyń qarsy jolaǵyna shyǵyp ketken. Sonyń saldarynan ol DAF markaly júk kóligimen betpe-bet soqtyǵysqan.
Apat saldarynan Kia Sorento júrgizýshisi men jolaýshylardyń biri oqıǵa ornynda kóz jumdy. Taǵy bir jolaýshy túrli dene jaraqatymen medıtsınalyq mekemege jetkizildi.
Atalǵan derek boıynsha polıtsııa sotqa deıingi tergep-tekserýdi bastady. Qazir jol apatynyń mán-jaıy men sebepterin anyqtaýǵa baǵyttalǵan tergeý áreketteri júrgizilip jatyr. Tergeý qorytyndysy boıynsha protsessýaldyq sheshim qabyldanady.
Qostanaı oblysy Polıtsııa departamenti júrgizýshilerdi Jol qozǵalysy erejelerin qatań saqtaýǵa, jol jáne aýa raıy jaǵdaıyna saı qaýipsiz jyldamdyqty tańdaýǵa, ara qashyqtyqty saqtaýǵa jáne qarsy qozǵalys jolaǵyna shyqpaýǵa shaqyrdy.
Buǵan deıin habarlaǵanymyzdaı, BQO-da sońǵy on kúnde jol apattarynan tórt adam mert boldy.
