Qostanaı oblysynda jeltoqsanda aıaz -29 gradýsqa deıin jetýi múmkin

ASTANA. KAZINFORM — Qostanaı oblysynda jeltoqsan aıy ádettegiden jyly bolady dep boljanyp otyr. Degenmen keı kúnderi qatty aıaz kútiledi. Aýa temperatýrasy -29 gradýsqa deıin tómendeýi múmkin. Bul týraly Kazinform tilshisi habarlaıdy.

Iz-za morozov ýchenıkov ı stýdentov Kostanaıskoı oblastı otpravıat na onlaın
Foto: freepik.com

Sınoptıkterdiń boljamynsha, jeltoqsan aıyndaǵy ortasha temperatýra -9…-13 gradýs shamasynda bolady. Bul klımattyq normadan shamamen 2 gradýsqa joǵary. Al jaýyn-shashyn mólsheri ádettegi deńgeıde, ıaǵnı 12-24 mıllımetr aralyǵynda bolady dep kútiledi.

Jeltoqsannyń basynda kún birtindep sýytady. Aıdyń alǵashqy kúnderi túnde aýa temperatýrasy -5…-10 gradýs bolsa, keıin aıaz kúsheıip, -17…-22 gradýsqa deıin tómendeıdi. Kúndizgi temperatýra +1…-4 gradýstan -11…-16 gradýsqa deıin túsedi.

Birinshi onkúndiktiń sońyna qaraı kún sál jylynady. Túnde -12…-17 gradýs, kúndiz -6…-11 gradýs bolady.

Aıdyń ortasynda aýa temperatýrasynyń kúrt ózgerýi kútilmeıdi. Túnde termometr baǵany negizinen -7…-17 gradýsty, kúndiz -1…-11 gradýsty kórsetedi.

Jeltoqsannyń sońǵy onkúndiginde áýeli kún jylynady. Kúndiz aýa temperatýrasy 0 gradýsqa deıin kóterilip, túnde -5…-10 gradýs shamasynda bolady. Alaıda keıin óńirde aıaz kúsheıedi.

Túnde aýa temperatýrasy -19…-24 gradýsqa deıin tómendeıdi. Oblystyń ońtústik-shyǵysynda -29 gradýs aıaz bolýy múmkin. Kúndiz -13…-18 gradýs kútiledi.

Jeltoqsannyń sońyna qaraı aıaz qaıta báseńdeıdi. Túnde -14…-19 gradýs, kúndiz -8…-13 gradýs bolady.

Temperatýranyń qubylýynan bólek, óńirde qar jaýyp, boran soǵýy múmkin. Mundaı aýa raıy aıdyń basynda, 10 jeltoqsannan keıingi birinshi jartysynda, sondaı-aq sońǵy onkúndiktiń ortasy men aıaǵynda kútiledi.

Aı boıy kóktaıǵaq pen tuman bolýy yqtımal. Sonymen qatar sınoptıkter jel ekpini sekýndyna 15-20 metrge deıin jetetinin boljaıdy.

Aıta keteıik, buǵan deıin Pavlodarda qarasha aıy klımattyq normadan 2 gradýsqa jyly bolatyny habarlandy.