Qostanaı oblysynda jastardy baspanamen qamtýǵa bólinetin qarjy úsh ese artty

ASTANA. KAZINFORM – Jyl basynan beri atalǵan oblysta bes myńnan astam otbasy baspanaly boldy.

- Bıyl óńirde 500,0 myń sharshy metr turǵyn úı paıdalanýǵa berildi, ıaǵnı 5,0 myńnan astam otbasy baspanaly boldy. Turǵyn úı saıasatyn iske asyrýǵa bıyl bıýdjetten 44,4 mlrd teńge bólindi, bul byltyrǵa qaraǵanda 2 ese kóp. Jumys isteıtin jastardy turǵyn úımen qamtamasyz etý boıynsha «Qostanaı jastary» baǵdarlamasy iske qosyldy. Jastardy baspanamen qamtýǵa 2 jyldyń ishinde 2,1 mlrd teńge bólindi. Bul 2022 jylmen salystyrǵanda 3 ese kóp, - dedi Qostanaı oblysynyń ákimi Qumar Aqsaqalov óńirdiń áleýmettik-ekonomıkalyq damýy týraly esep bere turyp.

Ákim usynǵan málimetke súıensek 277 qostanaılyq jas otbasy baspana máselesin sheshken.

- Sonymen qatar 100 kenshi otbasynyń turǵyn úı jaǵdaıyn jaqsartý úshin jeńildetilgen baǵdarlamany iske qosý maqsatynda ERG kompanııasymen memorandýmǵa qol qoıyldy, - deıdi ol.

Aıta keteıik, Qostanaı oblysynda elimizdiń ońtústik óńirlerinen soltústikke kóshý baǵdarlamasynyń arqasynda dárigerler tapshylyǵy azaıdy.