Qostanaı oblysynda jantúrshigerlik jol apatynan tórt adam mert boldy

ASTANA. KAZINFORM – Jol apaty Torǵaı-Arqalyq tasjolynda bolǵan. Jeńil avtokóliktiń rýline ıe bola almaı qalǵan júrgizýshi GAZel-ge soqqan, saldarynan úsh adam, onyń ishinde bir bala sol jerde qaıtys boldy. Taǵy bir naýqas aýrýhanada jan tapsyrǵan.

Atalǵan fakt boıynsha Polıtsııa departamenti qylmystyq is qozǵady.

«16 qyrkúıek kúni keshke Jangeldın aýdany Torǵaı aýylynyń mańyndaǵy «Torǵaı-Arqalyq» avtojolynyń 17-shi shaqyrymynda Lexus avtokóliginiń GAZelmen jol-kólik apaty boldy. Eki kólik te Arqalyq qalasyna qaraı baǵyt alǵan. Aldyn ala málimetter boıynsha, 38 jastaǵy Lexus avtokóliginiń júrgizýshisi basyp ozyp, rýldi basqara almaı, ekinshi kólikke soqqan», - dep habarlady vedomstvonyń baspasóz qyzmeti.

Apat saldarynan Lexus avtokóligindegi eki jolaýshy jáne balalar alǵan jaraqattan sol jerde qaıtys boldy. Taǵy bir jolaýshy aýrýhanada jan tapsyrdy.

Tártip saqshylary jolaýshylarǵa jol erejelerin qatań saqtaý kerektigin eskertedi.