Qostanaı oblysynda jańa aýyldyq okrýg qurylady

Jaqynda ǵana 25 eldi mekeni taratylǵan Qostanaı oblysynda jańa aýyldyq okrýg qurylýy múmkin, dep habarlaıdy Kazinform.

«Stepnoe aýylyn okrýg ortalyǵy dep belgilep, quramynda Jitiqara aýdanynyń Stepnoı jáne Aqqarǵa aýyldary bar Jitiqara aýdanynyń Stepnoı aýyldyq okrýgi qurylsyn», - delingen Ashyq NQA portalynda jarııalanǵan ákimdik qaýlysy men máslıhattyń birlesken sheshim-jobasynda.

Qujat oblys ákimi men máslıhat tóraǵasy qol qoıyp, resmı jarııalanǵannan 10 kún ótip baryp kúshine enedi.

Eske salaıyq, taıaýda Qostanaı oblysyna qarasty 25 aýyl taratylǵan edi. Olarda halyq sany 50 adamnan az.

Qosa ketsek, buǵan deıin Batys Qazaqstan oblysyndaǵy Sulýsaı jáne Túrkistan oblysynyń Sozaq aýdanyndaǵy eki aýyl taratylatynyn jazyp edik.