Qostanaı oblysynda ýchaskelik ınspektor gazdan ýlanǵan er adamdy qutqardy
QOSTANAI. KAZINFORM – Qostanaı oblysynda aýyldardyń birinde jazataıym oqıǵa boldy. 54 jastaǵy er adam kómirqyshqyl gazynan ýlanyp qalǵan.
Polisia.kz-tiń málimetinshe, zardap shekken II toptaǵy múgedektigi bar azamatqa ýchaskelik polıtsııa ınspektory Darhan Týrǵanov der kezinde kómek kórsetip, ony ajaldan arashalap qalǵan. Er adam shuǵyl túrde Arqalyq óńirlik aýrýhanasyna jetkizildi.
Aýyl turǵynynyń aıtýynsha, oqıǵa kezinde polıtseıdiń jedeldigi men kásibıligi sheshýshi ról atqarǵan.
Aıta keteıik, Darhan Týrǵanov – el tynyshtyǵy úshin aıanbaı eńbek etip júrgen antyna adal saqshylardyń biri. Onyń batyldyǵy men kásibıligi buǵan deıin de joǵary baǵalanǵan. Atap aıtqanda, 2024 jyly boran kezinde azamattardy qutqaryp qalǵany úshin Prezıdent Jarlyǵymen «Erligi úshin» medalimen marapattalǵan.
Buǵan deıin Sátbaevta órtten er adam men tórt bala qutqarylǵanyn habarlaǵan edik.
