Qostanaı oblysynda týberkýlezben aýyratyndar sany artty

ASTANA. KAZINFORM – 2023 jyldyń ótken kezeńimen salystyrǵanda Qostanaı oblysynda týberkýlezben aýyratyndar 9,6%-ǵa ósti. Olardyń qatarynda barlyq jas toptary bar: eresekter, balalar, jasóspirimder.

Oblystyq SES departamentiniń habarlaýynsha, týberkýlez – juqpaly aýrý. Ol kóbine adamdarǵa naýqas kisi túshkirgende, jótelgende juǵady.

— Búgingi tańda týberkýlezdiń negizgi profılaktıkalyq qorǵanysy - ekpe. Vaktsınatsııa Ulttyq profılaktıkalyq egý kúntizbesi boıynsha tegin, bala ómiriniń alǵashqy kúnderinde – BTsJ vaktsınasy arqyly júrgiziledi. Bul vaktsınanyń tıimdiligin san jyldar boıǵy tájirıbe kórsetip berip otyr. Sondyqtan BTsJ ekpe almaǵan sábıdiń áleýmettik jaǵdaıy jaqsy otbasynda tursa da, týberkýlezdi juqtyrǵan jaǵdaıda, aýrýǵa shaldyǵý qaýpi joǵary, - delingen vedomstvo habarlamasynda.

Sondaı-aq, olar týberkýlezdiń aldyn alý jáne ony azaıtý maqsatynda tıisti is-sharalar júrgizilip jatqanyn atap ótti.