Qostanaı oblysynda tórt adam gazdan ýlanyp, kóz jumdy
ASTANA. KAZINFORM - Qaıǵyly oqıǵa Qostanaı oblysy Amangeldi aýdany Qarynsaldy aýylynda boldy. Qutqarýshylar kelgen boıda tórt adamnyń máıitin tapty. Qaza tapqandardyń arasynda úsh bala men er adam bar.
Qostanaı oblysy Tótenshe jaǵdaılar departamenti 17 qarashada 112 pýltine Amangeldi aýdany, Qarynsaldy aýylynda jeke turǵyn úıde, aldyn ala málimet boıynsha 6 adam kómirqyshqyl gazynan zardap shekkeni týraly habarlama túsken.
– Oqıǵa ornynda 1957 jyly týǵan er adam men 2016, 2021, 2022 jyly týǵan úsh balanyń máıitteri tabyldy. Taǵy eki zardap shegýshi shuǵyl túrde Arqalyq qalasynyń aýrýhanasyna jatqyzyldy, olarǵa barlyq qajetti medıtsınalyq kómek kórsetilýde», - delingen habarlamada.
Qazir onda qutqarýshylar jumys istep jatyr, tótenshe jaǵdaılar qyzmetiniń basshylyǵy men jedel top oqıǵanyń sebepterin anyqtaýda.
Osyǵan deıin Qostanaı oblysynda aýrýhanada 10 aılyq bala kóz jumǵany týraly habarlaǵan edik.
