Qostanaı oblysynda tabıǵı órtti sóndirý jumystary jalǵasyp jatyr

QOSTANAI. KAZINFORM – Órt Qostanaı oblysyna qarasty Áýlıekól aýdanymen shekaralas B.Maılına aýdany dalasynda bastalǵan. Jeldiń baǵytymen órt Áýlıekól aýdanyna qaraı taralyp jatyr. 

Qostanaı oblysy Tótenshe jaǵdaılar departamenti baspasóz qyzmetiniń málimetinshe, órtti sóndirýge oqıǵa ornyna oblystyq TJD, jergilikti atqarýshy organdar, eriktiler jáne órtke qarsy qurylymdar keldi. Sondaı-aq tilsiz jaýdy aýyzdyqtaýǵa orman sharýashylyǵynan 60-tan astam qyzmetker, 20-dan astam tehnıka, órt sóndirý poıyzy jumyldyryldy. Sonymen qatar tikushaq arqyly áýeden barlaý júrgizildi.

Qazirgi kezde órtti sóndirý jumystary jalǵasyp jatyr. Jeldiń uıytqýy jaǵdaıdy qıyndatyp otyrǵanyn da aıta ketken jón. 

Eske salsaq, buǵan deıin Baıanaýylda ulttyq parkke qarasty jerler órtengenin jazǵan edik.