Qostanaı oblysynda suıytylǵan gaz tapshylyǵy týyndady

Óńir turǵyndaryna gazdyń jetpeı otyrǵandyǵynyń birneshe sebebi bar. Ol týraly Qostanaı oblystyq TKSh jáne energetıka basqarmasynyń jetekshisi Dáýren Asqarov aıtyp berdi, dep habarlaıdy Kazinform.

Oblys turǵyndary áleýmettik jelilerde janarmaı beketterindegi uzyn-sonar kezekkke jáne jalpy gazdyń joqtyǵyna shaǵymdanǵan.

«Gazǵa keletin bolsaq, búgingi tańda bizde 301 tonna suıytylǵan gaz bar. Taǵy 319 tonna jetkiziledi. Gazdy 5 mekeme taratady, olardyń barlyǵy ony qolma-qol aqshaǵa («Suıytylǵan gaz bazasy» JShS-nen basqasy, ol gazdy talonmen beredi) satady»,-dedi Dáýren Asqarov.

Gaz tapshylyǵy onyń qajetti mólsherde jetkizilmeýinen týyndap otyr.

Basqarma basshysynyń sózinshe, Atyraý munaı óńdeý zaýyty jetkizetin gazdyń baǵasy qymbat. Óıtkeni Qostanaımen aradaǵy jol tym qashyq (tasymaldaýshylarǵa múmkindiginshe jaqyn jerden, aıtalyq Shymkent munaı zaýytynan tasymaldaǵan tıimdi).

«Biz qarashada 4,5 tonna suıytylǵan gaz jetkiziledi dep josparlap otyrmyz. Oǵan qosymsha taǵy gaz suradyq»,-dep qorytty vedomstvo ókili.