Qostanaı oblysynda sý tasýyna baılanysty jol jabyldy

ASTANA. KAZINFORM — Sý tasýyna Qostanaı oblysy Qarasý aýdanyndaǵy «Qarasý-Úlken Chýrakovka» jolyndaǵy birikken kól sýlarynyń artýy sebep boldy. Sóıtip joldyń bir bóligi jabyldy.

Qostanaı oblysynyń Tótenshe jaǵdaılar departamenti Qarasý aýdanynda kóktemgi sý tasqynynan keıin Alabota jáne Qoıbaǵar kólderinde sý deńgeıi normadan asyp, tas joldarǵa tasyp, «Qarasý-Úlken Chýrakovka» ýchaskesiniń (0-15 km) jabylǵanyn habarlady. Joldyń bul bóligi jabyq.

— Kólik qozǵalysyn qamtamasyz etý úshin Novoselovka aýyly men Áýlıekól aýdany arqyly balama baǵyttar qarastyrylǵan, — dep túsindirdi baspasóz qyzmeti.

Sondaı-aq, olar qazirgi ýaqytta jaǵdaı turaqtalǵanyn, eldi mekenderge tóngen qaýip joq ekenin habarlady. Jaǵdaı tolyq baqylaýda.

Esterińizge sala keteıik, budan buryn Qostanaı oblysynyń Qarasý aýdanynda 5 tonna oralǵan pishen janyp ketkenin jazǵan edik.