Qostanaı oblysynda sý tasqynynan zardap shekken úılerdiń 95% tekserildi

QOSTANAI. KAZINFORM – Qostanaı oblysynda sý tasqynynan zaqymdanǵan úılerdiń 95%-y tekserildi. Olardyń 796-sy jóndeýdi qajet etse, 473-in qalpyna keltirý múmkin emes. Óńir ákimi Qumar Aqsaqalov Úkimet basshysyna qazirgi jumys barysyn baıandaý barysynda aıtty. 

Qumar Aqsaqalovtyń aıtýynsha, buǵan deıin áleýmettik qoldaý aıasynda 4 097 otbasy jalpy somasy 1,5 mlrd teńge kóleminde bir jolǵy kómek alǵan. Al turýǵa jaramsyz úı ıelerine baspana satyp alý nemese kóp páterli jáne jeke turǵyn úı salý kózdelgen. Sondaı-aq oblys ákimi 2020 bas mal shyǵynyn óteýge 855 mln teńgeden astam tólem jasalǵanyn aıtty. Al Premer-Mınıstr Oljas Bektenov qalǵan úılerdi tekserý jumystaryn qysqa merzim ishinde aıaqtaýdy tapsyrdy.