Qostanaı oblysynda sý qubyry qurylysyna arnalǵan 157 mln teńge memleket kirisine óndirildi
QOSTANAI. KAZINFORM – Qostanaı aýdanynyń prokýratýrasy memlekettik satyp alý salasyndaǵy zań buzýshylyqtardy anyqtady.
Taldaý nátıjesinde aýdan ákimdiginiń qurylys bólimi men merdiger uıym arasynda Vladımırovka aýylynda sý qubyryn salý boıynsha jalpy somasy 1,4 mlrd teńgege shart jasalǵany belgili boldy.
«Memlekettik satyp alý týraly» QR Zańynyń 17-babynyń 10-tarmaǵyna sáıkes, ónim berýshi sharttyń oryndalýyn qamtamasyz etý maqsatynda 157,1 mln teńge engizgen.
- Alaıda merdiger óz mindettemelerin oryndamaǵandyqtan, memlekettik satyp alý týraly shart birjaqty tártippen buzylǵan. Zańǵa sáıkes, mundaı jaǵdaıda engizilgen soma ónim berýshige qaıtarylmaı, memleket kirisine aýdarylýy tıis, - dep túsindirdi baqylaýshy organnan.
Biraq qurylys bólimi tarapynan bul qarajatty bıýdjetke qaıtarý sharalary qabyldanbaǵan.
Qostanaı aýdany prokýratýrasynyń qadaǵalaý aktisiniń negizinde sot sheshimimen 157,1 mln teńge memleket kirisine óndirildi.
Aıta keteıik, Qostanaı oblysynda zańsyz sý alǵan kásiporynǵa aıyppul salyndy.