Qostanaı oblysynda snarıadqa uqsas zattar tabyldy
ASTANA. KAZINFORM – Qostanaı oblysynda syrtqy pishini artıllerııalyq snarıadtarǵa uqsas zattardyń tabylýyna baılanysty polıtsııa sotqa deıingi tergep-tekserýdi bastady, dep habarlaıdy Kazinform tilshisi.
Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan qajetti tergeý áreketteri júrgizilip jatyr. Mamandardyń aldyn ala málimetinshe, tabylǵan zattar qaýip tóndirmeıdi.
Oblystyq polıtsııa departamenti snarıadqa nemese oq-dárige uqsas zattardy tapqan jaǵdaıda olarǵa qol tıgizýge nemese ózdiginen jyljytýǵa bolmaıtynyn eskertti.
Mundaı jaǵdaılarda azamattar dereý 102 nómirine habarlasýy qajet.
Eske sala ketsek, buǵan deıin Soltústik Qazaqstan oblysynyń Mamlıýtka qalasynyń turǵyny óz baqshasynan snarıad tapqany habarlanǵan.
Al Batys Qazaqstan oblysynda soǵys kezinen qalǵan snarıad tabylǵany týraly aqparat jarııalanǵan edi.
