Qostanaı oblysynda shekaradan 10,6 mln teńgeniń temekisi tárkilendi
ASTANA. KAZINFORM – Qostanaı oblysynda temeki ónimderiniń iri partııasyn zańsyz ákelý áreketiniń joly kesildi. Júk kóliginen aktsızdik markasy joq 10 myń qorap temeki tabyldy, dep habarlaıdy Kazinform tilshisi.
Qostanaı oblysy boıynsha Ekonomıkalyq tergep-tekserý departamentiniń málimetinshe, zańsyz tasymal UQK Shekara qyzmetimen birlesip anyqtalǵan.
2026 jylǵy 26 qyrkúıekte «Qaıraq» avtomobıl ótkizý pýnktinde Qazaqstanǵa baǵyt alǵan Volvo júk kóligi tekserilgen.
Kólikten aktsızdik markasy joq bes túrli temekiniń 1 000 blogy, ıaǵnı jalpy sany 10 myń qorap tabyldy. Zańsyz aınalymnan alynǵan ónimniń quny 10,6 mln teńge bolǵan.
Vedomstvo qajetti qujattary joq jáne tańbalaý talaptaryn buza otyryp temeki ónimderin tasymaldaýǵa zańmen tyıym salynǵanyn eske saldy.
Tárkilengen temekiniń barlyǵy joıyldy.
Ekonomıkalyq tergep-tekserý departamenti kásipkerlerdi aktsızdeletin ónimdi tasymaldaý jáne satý kezinde zań talaptaryn saqtaýǵa shaqyrdy.
Aıta keteıik, elimizde temeki kontrabandasy úshin sottalǵandar memleketke 7,3 mlrd teńge qaıtaratynyn jazdyq.
