Qostanaı oblysynda polıtsııaǵa oq atqan mas júrgizýshi ustaldy

Qostanaı oblysynda polıtsııa qyzmetkerlerine qarý qoldanǵan mas júrgizýshi ustaldy, dep habarlaıdy Kazinform Polisia.kz-ke silteme jasap.

Qostanaı oblysy PD oqıǵanyń mán-jaıyn jarııalady.

12 qarashada Qarabalyq aýdanynda polıtsııa qyzmetkerleri saǵat 21:00-de Almaty – Ekaterınbýrg avtojolynda, Prıýralsk kentiniń aýmaǵynda gabarıttik shamdaryn qospaı júrip kele jatqan ÝAZ avtokóligin baıqady. Bul jaǵdaıda júrgizýshiniń minez-qulqy polıtsııa qyzmetkerlerine kúdik týdyrdy. Polıtseılerdiń kólik quralyn toqtatý týraly zańdy talabyna júrgizýshi jaýap bermedi jáne róldi basqara almaı, kıývetke shyǵyp ketti.

Sondaq-aq júrgizýshi qashpaq bolyp, tártip saqshylaryna qaraı birneshe ret qarýmen oq atqan. Kólikti tastap, júrgizýshi oqıǵa ornynan qashyp, qarýdy ózimen birge alyp ketti.

Aýdan aýmaǵynda “Sırena” jospary jarııalanyp, jeke quram dabyl boıynsha kóterildi.

Qostanaı oblysy PD arnaıy bólimshesiniń qatysýymen ótken izdestirý is-sharalary barysynda aýdannyń 35 jastaǵy turǵyny mas kúıinde, óziniń tanysynyń páterinde ustaldy. Qazirgi ýaqytta QR QK-niń 380-1-baby boıynsha bastalǵan sotqa deıingi tergep-tekserý sharalary júrgizilip jatyr.

Polıtsııa qyzmetkerleri jaýap retinde qarý qoldanbaǵan, oqıǵada eshkim zardap shekken joq. Іs boıynsha ańshylyq qos uńǵyly myltyq, patrondar men spırttik ishimdikter tárkilendi. Qazirgi ýaqytta qarý ballıstıkalyq saraptamaǵa jiberildi. Sol kúni qylmysker kúdikti dep tanylyp, Qarabalyq polıtsııa bóliminiń ýaqytsha ustaý ızolıatoryna qamaldy.

Polıtseıler ustalǵan adam buryn tártip saqshylarynyń kólik quralyn toqtatý týraly zańdy talaptaryn eskermegeni úshin ákimshilik jaýapkershilikke tartylǵanyn atap ótti.

Vedomstvoda turǵyndarǵa polıtsııa qyzmetkerleriniń zańdy talaptaryna baǵynbaý faktileri úshin ákimshilik jáne qylmystyq jaza týraly eske salady.