Qostanaı oblysynda polıtsııa joǵalǵan 14 jylqyny taýyp, ıesine qaıtardy

QOSTANAI. KAZINFORM - Qostanaı oblysynda polıtsııa qyzmetkerleri joǵalǵan 14 jylqyny jedel taýyp, ıesine qaıtaryp berdi, dep habarlaıdy Polisia.kz.

Qostanaı turǵyny Shortanbaı Jetpisbaev jaıylymnan jylqylardyń joǵalǵany týraly polıtsııaǵa habarlaǵan. 10 kún buryn joǵalyp ketken jylqylardyń quny – 6 mıllıon teńge.

Janýarlardy óz betinshe izdegeni nátıje bermegesin, er adam polıtsııaǵa júgindi. Kelesi kúni Arqalyqta polıtseıler bólim bastyǵynyń orynbasary Ǵalıbek Qulmaǵanbetovtyń basshylyǵymen izdestirýdi bastady. Іzdeý operatsııasyna ýchaskelik polıtseıler Álisher Shegebaev pen Darhan Turǵanov ta qatysty. Bir táýlikten keıin jylqylar Úshtóbe aýylynan 40 shaqyrym qashyqtyqta tabyldy.

Janýarlardyń ıesi quqyq qorǵaý organdarynyń úılesimdi jáne jedel jumysynyń arqasynda óz múlkin qaıtara aldy.

– Jylqylardy taba almaǵasyn, polıtseılerge júgindim. Olar tez-arada taýyp berdi, bul úshin kóp raqmet!, – dedi Shortanbaı Jetpisbaev polıtsııaǵa kómek kórsetkeni úshin alǵysyn bildirip.

Bul jaǵdaı polıtsııanyń jergilikti turǵyndarmen jaqsy qarym-qatynas ornatýy men jedel áreket etýiniń mańyzdylyǵyn kórsetti.