Qostanaı oblysynda polıtsııa aýa raıyna baılanysty qaýipsizdik sharalaryn kúsheıtti
ASTANA. KAZINFORM – Qostanaı oblysynda qatty boran soǵyp, joldarda kóktaıǵaq paıda boldy, dep habarlaıdy Polisia.kz.
Osyǵan baılanysty patrýldik polıtsııa qyzmeti kúsheıtilgen jumys tártibine aýysty.
Tártip saqshylary oblys ortalyǵynan shyǵa beris joldarda kólikterdi toqtatyp, júrgizýshilerge qaýipsizdik sharalaryn eske salyp jatyr.
- Polıtsııa qyzmetkerleri aýa raıy turaqtalǵansha alys saparǵa shyqpaýǵa jáne kóliktiń tehnıkalyq jaǵdaıyn tekserýge keńes beredi, - delingen habarlamada.
Aıta keteıik, osyǵan dein «Qazgıdromet» elimizdiń 12 óńirinde aýa raıyna baılanysty eskertý jarııalady.
