Qostanaı oblysynda áıeli men balasyn óltirdi degen kúdikpen er adam ustaldy
QOSTANAI. KAZINFORM — Qostanaı oblysy Áýlıekól aýdanynda otbasyna qatysty asa aýyr qylmys jasady degen kúdikpen polıtseıler 51 jastaǵy er adamdy izin sýytpaı ustaldy.
Áleýmettik jelilerde taraǵan aqparatqa sáıkes, 29 qyrkúıekte «102» jelisine er adam qońyraý shalyp, kóshede ózine jas qyz kelip, úıinde anasy men aǵasy edende jatqanyn aıtqan. Oqıǵa ornyna jetken polıtseıler eki adamnyń máıitin tapqan. Keıinnen 51 jastaǵy kúdiktiniń qolǵa túskeni belgili boldy.
— Kúdikti kinásin moıyndap, ýaqytsha ustaý ızolıatoryna qamaldy. Atalǵan fakt boıynsha qylmystyq is qozǵaldy, tergeý organdary barlyq mán-jaıdy muqııat anyqtap jatyr. Polıtsııa qylmys jazasyz qalmaıtynyn atap ótedi. Kináli zańǵa sáıkes qatań jazalanady, — dep málimdedi Qostanaı oblystyq polıtsııa departamentiniń baspasóz qyzmeti.
Aıta ketelik Batys Qazaqstan oblysynda iri ınternet-alaıaqtyq áshkerelengen edi.