Qostanaı oblysynda otbasylyq janjaldan jasóspirim qaza tapty
ASTANA. KAZINFORM – Qostanaı oblysynyń Jitiqara qalasynda turmystyq janjal saldarynan 15 jastaǵy jasóspirim qaza taýyp, anasy jaraqat aldy, dep habarlaıdy Kazinform tilshisi.
Qaıǵyly oqıǵa 25 sáýir kúni bolǵan. Aldyn ala málimet boıynsha, erli-zaıyptylar arasyndaǵy janjal kezinde 37 jastaǵy áıel pyshaq jaraqatyn alǵan.
Anasyn qorǵaýǵa tyrysqan 15 jastaǵy uly da jaralanyp, alǵan aýyr jaraqattarynan oqıǵa ornynda kóz jumǵan.
Atalǵan derek boıynsha «adam óltirý» jáne «adam óltirýge oqtalý» baptary boıynsha qylmystyq is qozǵaldy.
– Kúdikti oqıǵa ornynda izin sýytpaı ustaldy. Ol – zardap shekken áıeldiń jubaıy, – dep málimdedi quqyq qorǵaý organdary.
Qazirgi ýaqytta kúdikti ýaqytsha ustaý ızolıatoryna qamaldy. Tergeý amaldary júrgizilip jatyr.
Aıta keteıik, buǵan deıin Almaty oblysynda janjal barysynda oq atylǵany habarlanǵan bolatyn.
