Qostanaı oblysynda «Ortalyq – Batys» avtojol dáliziniń qurylysy bastaldy
ASTANA. KAZINFORM - Joba Memleket basshysynyń tapsyrmasy aıasynda qolǵa alyndy jáne elimizdiń kólik ınfraqurylymyn damytý men tranzıttik áleýetin arttyrý jónindegi Úkimet josparlaryna engizilgen.
Kólik mınıstrliginiń málimetinshe, qurylys jumystary bir ýaqytta eki núktede – Qostanaı oblysynyń Arqalyq qalasy men Jankeldın aýdanyna qarasty Torǵaı aýylynda bastaldy. Qurylys «Astana – Jánteke – Egindikól – Arqalyq – Torǵaı – Yrǵyz» baǵyty boıynsha júrgizilip jatyr. Joldyń jalpy uzyndyǵy – 865 shaqyrym.
Jańa jol dálizi elimizdiń ortalyq bóligin batys óńirlermen tikeleı baılanystyrmaq. Sonymen qatar ol Qazaqstandy Transkaspıı halyqaralyq kólik baǵytyna (THKB) shyǵýǵa múmkindik beredi.
Jańa baǵyttyń arqasynda Astana men Yrǵyz arasyndaǵy araqashyqtyq 573 shaqyrymǵa qysqarady.
Qurylys jumystarynyń barysynda ekologııalyq máselelerge erekshe kóńil bólinip jatyr. Kıikterdiń qonys aýdarý aımaqtarynda joldyń kóldeneń profılin ózgertý qarastyrylǵan, 1:10 eńis janýarlardyń erkin ári kedergisiz qozǵalýyna múmkindik beredi.
Qurylystyń bastalýyna negizdelgen saltanatty is-sharaǵa Kólik vıtse-mınıstri Sátjan Ablalıev pen óńir basshysy Qumar Aqsaqalov qatysty.
Aıta keteıik, elimizdegi avtojoldardyń sapasyn baqylaý úshin 220 avtojúıe ornatylady.