Qostanaı oblysynda orman mekemesiniń 4 qyzmetkeri ákimshilik jaýapkershilikke tartyldy
QOSTANAI. KAZINFORM – Qostanaı oblysynyń mamandandyrylǵan tabıǵat qorǵaý prokýratýrasy Arqaraǵaı orman sharýashylyǵy mekemesiniń qyzmetine tekserý júrgizdi.
Qazaqstan Bas prokýratýrasynyń baspasóz qyzmetinái habarlaýynsha, tekseris barysynda ǵaryshtyq monıtorıng quraldary arqyly jasyl jelekterdi zańsyz kesý faktileri anyqtaldy.
2020 jyldyń sáýirinen bastap mekeme basshylyǵy jelden qulaǵan aǵashtardy sanıtarlyq kesýdiń tolyq aıaqtalýyn qamtamasyz etpegen. Zańnamaǵa sáıkes, mundaı jumystar bir jyl ishinde júrgizilýi tıis.
Barlyq anyqtalǵan buzýshylyqtar boıynsha keltirilgen zalaldyń jalpy somasy 1 mıllıon teńgeden asty. Sonymen qatar ormandarda órt qaýipsizdigi erejelerin buzý derekteri kóptep tirkeldi. Atalǵan faktiler boıynsha orman mekemesiniń 4 qyzmetkeri, onyń ishinde basshysy ákimshilik jaýapkershilikke tartyldy. Memleketke keltirilgen zalal tolyq kólemde óteldi.
Sonymen birge, Uzynkól orman sharýashylyǵy mekemesinde orman órti ákimshiliginiń baspana retinde rásimdelgeni anyqtaldy, alaıda qujattarda ol dalalyq retinde kórsetilgen. Josyqsyz sheneýnikterdi anyqtaý úshin ǵaryshtyq monıtorıng, tótenshe jaǵdaılar organdary jáne respýblıkalyq orman sharýashylyǵy men janýarlar dúnıesi komıtetiniń málimetteri qoldanyldy.
Prokýratýranyń usynysy negizinde resmı eseptiliktegi burmalanýlar joıylyp, órtten bolǵan zalal memleketke tolyq óteldi. Basshy E. A. Komarov tártiptik jaýapkershilikke tartyldy.
Eske sala keteıik, osyǵan deıin Pavlodar oblysynda orman tálimbaqtary jetispeıtinin jazǵan edik.