Qostanaı oblysynda operatsııa kezinde naýqas qaıtys boldy
QOSTANAI. KAZINFORM — Qostanaı oblysynda mobıldi toptan medıtsınalyq kómek alǵan naýqastyń ólimine baılanysty tergeý bastaldy.
Qostanaı oblystyq densaýlyq saqtaý basqarmasy áleýmettik jelide er adamnyń operatsııa ústelinde qaıtys bolǵany týraly jazbadan keıin kópshiliktiń nazaryn aýdarǵan jaǵdaıǵa qatysty pikir bildirdi. Habarlamada ota jasap jatqan neırohırýrg mas kúıinde bolǵandyǵy jáne operatsııadan keıin birden ketýge árekettengeni aıtylady.
Oblystyq jedel járdem stantsııasynyń málimetinshe, oqıǵa sanıtarlyq avıatsııa naýqasty Arqalyq qalasyndaǵy aýrýhanaǵa jóneltken soń bolǵan. Naýqasqa shuǵyl neırohırýrgııalyq operatsııa qajet bolǵandyqtan, Arqalyq qalasyna oblystyq aýrýhananyń mamany jiberilgen.
— Dáriger oqıǵa ornyna arnaıy jedel járdem kóligimen jetkizildi. Ol kólik júrgizbedi. Operatsııa aldynda barlyq mindetti protsedýralar júrgizildi. ıAǵnı, naýqasty anyqtaý, operatsııa jasalatyn aýmaqty, brıgadanyń daıyndyǵyn tekserý. Operatsııa bólmesinde kem degende 6 maman bar, sondyqtan bireýdiń adekvatty emes kúıin jasyrý múmkin emes, — dep túsindirdi Qostanaı oblystyq jedel járdem stantsııasynyń basshysy Oleg Meleshenko.
Ol sondaı-aq sanıtarlyq avıatsııa qyzmetinde kadr tapshylyǵy qatty sezilip jatqanyn, sondyqtan basqa medıtsınalyq mekemelerdiń mamandary da shaqyrtýǵa tartylyp jatqanyn atap ótti.
Sondaı-aq «Senim» densaýlyq saqtaý qyzmetkerleri kásipodaǵynyń oblystyq fılıal tóraǵasy Tatıana Býlgatsevıch «Halyq densaýlyǵy jáne densaýlyq saqtaý júıesi týraly» Kodekstiń 270-babyna sáıkes qyzmettik tekserý júrgizilip jatqanyn málimdedi. Quramynda táýelsiz sarapshylardan turatyn komıssııa medıtsınalyq qyzmetkerlerdiń is-áreketin baǵalap, naýqasqa kómek kórsetýde qatelikterdiń bar-joǵyn anyqtaıdy.
Tergeý qorytyndysy sot-medıtsınalyq saraptama men saraptama komıssııasynyń qorytyndysyn alǵannan keıin belgili bolady.
Qazir polıtsııa qyzmetkerleri Arqalyq qalasynda operatsııa kezinde naýqastyń ólimine qatysty sotqa deıingi tergeý bastalǵanyn jetkizdi.
Aıta keteıik, Shymkentte er adam naýqasty soqqyǵa jyǵyp, aýrýhanada polıtsııaǵa qarsylyq bildirgen.