Qostanaı oblysynda múgedektigi bar adamdarǵa arnalǵan jańa tsıfrlyq kómek servısi tanystyryldy
QOSTANAI.KAZINFORM – Qostanaı oblysynda Aman ID jańa tsıfrlyq servısi iske qosyldy. Ol múgedektigi bar adamdarǵa, qart azamattarǵa jáne shuǵyl jaǵdaıda jedel kómek qajet bolýy múmkin kez kelgen adamǵa arnalǵan, dep habarlaıdy Qostanaı oblystyq prokýratýrasynyń baspasóz qyzmeti.
Servıs Qostanaı oblysynyń prokýratýrasy, Qostanaı qalasynyń ákimdigi jáne «Astananyń turaqty damý ortalyǵy» JShS-niń birlesken bastamasymen júzege asyrylady.
QR-kodty skanerleý arqyly adamnyń densaýlyq jaǵdaıy týraly mańyzdy aqparatty, qabyldaıtyn dári-dármekteri jónindegi málimetti kórýge jáne onyń jaqyndarymen baılanysýǵa bolady. Bul rette paıdalanýshy qandaı aqparattyń qoljetimdi bolatynyn ózi anyqtaıdy.
QR-kodty telefonǵa, arnaıy bilezikke nemese jeke zattarǵa ornalastyrýǵa bolady. Barlyq derbes derekter senimdi qorǵalǵan. Servıs múgedektigi bar adamdardy jumyspen qamtýǵa jáne áleýmettik qoldaýǵa baǵyttalǵan «Múmkindik» aktsııasy aıasynda tanystyryldy.
2026 jyldyń basynan beri aktsııaǵa 1300-den astam adam qatysty. Onyń ishinde 51 adam jumysqa ornalasty, taǵy 62 adam jumys berýshilermen áńgimelesýge joldama aldy.
-Aman ID jańa servısiniń iske qosylýy – óńir turǵyndarynyń qaýipsizdigin arttyrýǵa jáne zamanaýı tsıfrlyq sheshimderdi damytýǵa baǵyttalǵan kezekti mańyzdy qadam,-delingen habarlamada.
Aıta keteıik, múgedektigi bar azamattar endi poıyz bıletin onlaın satyp ala alady.
