Qostanaı oblysynda memlekettik shekarany zańsyz kesip ótpek bolǵan sheteldikter ustaldy

ASTANA. KAZINFORM — PD ekstremızmge qarsy is-qımyl basqarmasy Shekara qyzmetimen birlesip, Denısov aýdany aýmaǵynda memlekettik shekaraǵa jaqyn jerde eki sheteldik azamatty qolǵa túsirdi. Bul týraly Polisia.kz jazdy.

— Zań buzýshylardyń Qazaqstan-Reseı shekarasyn resmı ótkizý pýnktterinen tys jerden zańsyz kesip ótpek bolǵany belgili boldy. Olardyń mundaı qadamǵa barýyna Reseı aýmaǵynan kóshi-qon zańnamasyn buzǵany úshin deportatsııalanýy sebep bolǵan, — delingen habarlamada.

Quqyq qorǵaý organdarynyń málimetinshe, memlekettik shekara rejımin buzǵan azamattar ákimshilik jaýapkershilikke tartylyp, zańnama talaptaryna sáıkes Qazaqstan aýmaǵynan shyǵaryldy.