Qostanaı oblysynda memlekettik qyzmetkerlerge artyq jumys úshin ótemaqy tólendi
QOSTANAI. KAZINFORM — 2025 jyly Qostanaı oblysynda júrgizilgen tekserýlerden keıin 350 memlekettik qyzmetkerdiń quqyqtary qalpyna keltirildi, dep habarlaıdy Kazinform tilshisi.
QR Memlekettik qyzmet isteri agenttigi departamentinde tekserýler men baqylaý sharalarynyń nátıjeleri týraly egjeı-tegjeıli málimet berildi.
Atap aıtqanda, 82 qyzmetkerge 1 mıllıon teńgeden astam somaǵa issapar shyǵyndary óteldi. Bes memlekettik qyzmetkerdiń qyzmetine baǵalaý júrgizilip, sonyń nátıjesinde olarǵa tıesili bonýstar berildi. Taǵy 10 adamǵa basqa laýazymnyń mindetterin atqarǵany úshin shamamen 300 myń teńge kóleminde tólem jasaldy.
Sonymen qatar 13 qyzmetkerdiń laýazymdyq jalaqy mólsherine áser etetin eńbek ótili qaıta esepteldi. Al 218 qyzmetkerge negizsiz ústeme jumysqa tartylǵany úshin demalys kúnderi berildi.
Zańbuzýshylyqtar jergilikti deńgeıde de anyqtalǵan. Naýryzym aýdanynda eki memlekettik qyzmetkerge buryn berilmegen jyl saıynǵy eńbek demalysynyń bir bóligi qaıtaryldy. Oblystyq basqarmalardyń biriniń bas mamanyna eńbek demalysy kezinde atqarǵan jumysy úshin aqy tólendi. Arqalyq qalasynda 11 qyzmetkerge 400 myń teńgeden astam somaǵa jetispegen issapar shyǵyndary óteldi.
Buǵan deıin Soltústik Qazaqstan oblysynda memlekettik qyzmet salasyndaǵy zańbuzýshylyqtar úshin bes ákim jaýapkershilikke tartylǵan.
Sondaı-aq Soltústik Qazaqstan oblysyndaǵy iri sý qoımalary sý tasqynyna daıyn ekenin jazdyq.