Qostanaı oblysynda máslıhat tóraǵasy 2 mln teńge para berdi degen kúdikke ilindi
QOSTANAI. KAZINFORM – Qostanaı oblysy boıynsha Sybaılas jemqorlyqqa qarsy qyzmet Beıimbet Maılın aýdany máslıhatynyń tóraǵasy men depýtatyna qatysty sotqa deıingi tergeýdi aıaqtady.
- Máslıhat tóraǵasy ózimen affılıırlengen fırmanyń jergilikti memlekettik mekemelermen memlekettik satyp alý sharttarynyń talaptaryn oryndamaýyna baılanysty aýdıt barysynda anyqtalǵan buzýshylyqtar boıynsha sharalar qoldanbaǵany úshin depýtat arqyly oblystyq Іshki memlekettik aýdıt departamenti qyzmetkerlerine 2 mln teńge somasynda para berdi dep aıyptalýda.
Aǵymdaǵy jyldyń 23 qańtarynda qadaǵalaýshy prokýratýra aıyptalýshylardy sotqa berdi, - dep jazdy Antıkordan.
Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.
Aıta keteıik, Qazaqstanda sybaılas jemqorlardyń jarııa tizilimi engiziledi.