Qostanaı oblysynda mas júrgizýshi ózin jolaýshymyn dep tanystyrǵan

25 qarashada respýblıkalyq «Quqyqtyq tártip» jedel-aldyn alý sharasy barysynda Tobyl qalasynyń patrýldik polıtsııa qyzmetkerleri «Mersedes» kóliginiń júrgizýshisin toqtatqan. Tekserý kezinde 34 jastaǵy júrgizýshiniń 2017 jyldan beri kólik júrgizý quqyǵyna qujaty bolmaǵany anyqtaldy. Onyń ústine júrgizýshi mas bolǵan, dep habarlaıdy Kazinform Poliia.kz-ke silteme jasap.

Patrýldik polıtsııa toqtatqannan keıin júrgizýshi tez arada aldyńǵy jolaýshy oryndyǵyna aýysyp alǵan. Sodan soń óziniń jolaýshy ekenin aıtqan. Kólikte ózinen basqa eshkimniń joqtyǵyna sendirgisi kelgen. 

Quqyq buzýshy QR ÁQBtK-niń 608-baby «júrgizýshiniń kólik quralyn alkogoldik, esirtkilik nemese ýytqumarlyq masań kúıde basqarýy» boıynsha ákimshilik jaýapkershilikke tartyldy. 

Kólik mamandandyrylǵan avtoturaqqa ornalastyryldy. Sol kúni Qostanaı aýdandyq soty mas kúıinde kólik júrgizgen azamatty 20 táýlikke ákimshilik qamaýǵa alý týraly qaýly shyǵardy.