Qostanaı oblysynda mal sharýashylyǵyna bólingen 96 mln teńge sýbsıdııa qoldy boldy

QOSTANAI. KAZINFORM – Qostanaı oblysynda mal azyǵyn arzandatýǵa jáne selektsııalyq jumystarǵa bólingen memlekettik sýbsıdııalardy jymqyrý deregi anyqtaldy. Zalal kólemi 96 mıllıon teńgeni qurady.

Oblystyq prokýratýra júrgizgen tekseris nátıjesinde memlekettik qarjynyń maqsatsyz jumsalǵany belgili boldy.

Atalǵan derek boıynsha QR Qylmystyq kodeksiniń 190-baby 4-bóligi 2-tarmaǵy («Asa iri kólemdegi alaıaqtyq») boıynsha sotqa deıingi tergeý bastaldy.

Tergeý barysynda úsh adamnyń kinási dáleldenip, is sotqa joldandy. Aıyptalýshylar óz kinásin tolyq moıyndaǵandyqtan, qylmystyq is qysqartylǵan tártippen qaraldy.

Sot úkimimen olar ártúrli merzimge bas bostandyǵynan aıyrylyp, sot zalynda qamaýǵa alyndy. Sonymen qatar memleket paıdasyna keltirilgen 96 mıllıon teńgeden astam shyǵyn óndirilýge sheshim shyǵaryldy.

Úkim áli zańdy kúshine engen joq.

Eske sala keteıik, buǵan deıin Jetisý oblysynda kásiporyn basshysy sýbsıdııa qarajatynyń bir bóligin kazınoǵa utylyp qalǵany habarlanǵan edi.