Qostanaı oblysynda mal qutyrýyna baılanysty shekteýler engizildi
ASTANA. KAZINFORM - Aýrýdyń taralý qaýpine baılanysty aýyl ákimdigi osyndaı sheshim qabyldady.
Qujat «Ashyq NQA» veb-saıtynda ornalastyrylǵan. Qostanaı oblysy, Altynsarın aýdany, Sverdlovka aýylynda «Jańabek» JShS aýyl sharýashylyǵy kásiporny aýmaǵynda shekteýshi veterınarııalyq sharalar engizildi.
– Altynsarın aýdandyq aýmaqtyq ınspektsııasynyń bas memlekettik veterınarııalyq-sanıtarııalyq ınspektorynyń usynysy negizinde iri qara maldan qutyrý aýrýynyń anyqtalýyna baılanysty Sverdlovka aýyly ákiminiń apparaty sheshim qabyldady, – delingen.
Shekteýler Qazaqstan Respýblıkasynyń «Veterınarııa týraly» jáne «Jergilikti memlekettik basqarý jáne ózin-ózi basqarý týraly» Zańdarynyń talaptaryna sáıkes belgilendi.
Іs-sharalar qaýipti derttiń taralýyn boldyrmaýǵa baǵyttalǵan. Qutyrý – janýarlardan adamǵa juǵatyn ólimge ákeletin aýrý, sondyqtan onyń aldyn alý úshin qatań sharalar qoldanylady.
Osyǵan deıin veterınarııalyq qujaty joq mal ónimin satqandar qylmystyq jaýapkershilikke tartylýy múmkin ekeni týraly jazdyq.
