Qostanaı oblysynda laýazymdy tulǵa bıýdjetten 12,3 mıllıon teńge jymqyrǵan

QOSTANAI. KAZINFORM –  Tekserý barysynda Qostanaı oblysy Qarabalyq aýdanynyń prokýratýrasy laýazymdy tulǵanyń bıýdjet qarajatyn urlaý faktilerin anyqtady.

Osylaısha, memlekettik mekemeniń bas esepshisi 6 jyl boıy bıýdjetti únemdeýden túsken qarajatty ózine zańsyz aýdarǵan.

Sot-ekonomıkalyq saraptamanyń qorytyndysyna sáıkes, artyq aýdarylǵan qarajattyń jalpy somasy shamamen 12,3 mıllıon teńgeni qurady.

Atalǵan fakti boıynsha Qazaqstan Respýblıkasy Qylmystyq kodeksiniń 189-baby 3-bóliginiń 1)-tarmaǵy boıynsha sotqa deıingi tergep-tekserý júrgizildi.

Tergeý barysynda kúdikti keltirilgen shyǵyndy tolyq kólemde ótedi.

Sot úkimimen ýákiletti tulǵa 3 jyl 6 aıǵa shartty túrde bas bostandyǵynan aıyryldy.

Sot aktisi zańdy kúshine engen joq.