Qostanaı oblysynda qutqarýshylar órt kezinde eki adamdy aman alyp shyqty

QOSTANAI. KAZINFORM – Qostanaı oblysy Qarasý aýdanyna qarasty Shyǵys aýylynda turǵyn úıge japsarlas salynǵan qostamada órt shyqty.

Oqıǵa ornyna órt sóndirý bólimderi jedel jetti. Qutqarýshylardyń úılesimdi is-áreketteriniń arqasynda tútinge toly úı-jaıdan 1954 jáne 1988 jyly týǵan úı ıeleri qutqaryldy. Olarǵa medıtsınalyq kómek qajet bolmady.

- Órtti sóndirý barysynda órt sóndirýshiler gaz ballonyn qaýipsiz jerge shyǵaryp, jarylys qaýpiniń aldyn aldy jáne jalynnyń ári qaraı taralýyna jol bermedi, - delingen aqparatta.

Órt tolyq sóndirildi, turǵyn úıge ótpedi.

Aıta keteıik, Almatyda bazardaǵy iri órt sóndirildi.