Qostanaı oblysynda quny 582 mln teńge bolatyn jer memleketke qaıtaryldy
ASTANA. KAZINFORM — Qostanaı oblysy Meńdiqara aýdanynyń prokýratýrasy qadaǵalaý qyzmeti barysynda eldi mekenderdiń jerlerinde aýyl sharýashylyǵy óndirisin júrgizý úshin berilgen jer ýchaskeleriniń nysanaly maqsatyna saı paıdalanylmaǵanyn anyqtady.
Qostanaı oblysy prokýratýrasynyń málimetinshe, Meńdiqara aýdanynyń Aleshın jáne Býdennyı aýyldyq okrýgteri aýmaǵyndaǵy jerlerden jaıylymdy qalqaptar berilgen eki aýyl sharýashylyǵy kásipornynyń olardy nysanaly maqsaty boıynsha paıdalanbaǵany anyqtaldy.
— Jer ýchaskelerinde mal jaıýǵa jáne mal azyǵyn daıyndaýǵa qajetti mal basy bolmaǵan, bul Qazaqstan Respýblıkasynyń Jer kodeksi men «Jaıylymdar týraly» Qazaqstan Respýblıkasy Zańynyń talaptaryn buzý bolyp esepteledi, — delingen habarlamada.
Prokýrorlyq qadaǵalaý sharalarynyń nátıjesinde kórsetilgen jer ýchaskelerin jalǵa alý sharttary buzyldy. Jalpy aýdany 175 gektar jáne kadastrlyq quny 582 mıllıon teńge bolatyn, paıdalanylmaı jatqan jaıylymdyq jerler memleket menshigine qaıtaryldy.
Eske salaıyq, buǵan deıin Ulytaý oblysynda 31 jer ýchaskesi memleketke qaıtarylǵanyn habarlaǵanbyz.
