Qostanaı oblysynda quny 112 mln teńgeden asatyn jer memleketke qaıtaryldy
ASTANA. KAZINFORM — Beıimbet Maılın aýdanynyń prokýratýrasy quny 112 mıllıon teńgeden asatyn jerdi memleketke qaıtardy.
Qostanaı oblysy Beıimbet Maılın aýdanynyń prokýratýrasy qadaǵalaý qyzmeti sheńberinde aýyl sharýashylyǵy maqsatyndaǵy iri ýchaskelerdi uzaq ýaqyt paıdalanbaı júrgen jer zańnamasyn óreskel buzýshylyqtardy anyqtady.
Prokýrorlyq qadaǵalaý aktileri boıynsha sot josyqsyz jer paıdalanýshylardan jerdi májbúrlep alyp qoıý týraly sheshim qabyldady.
Qabyldanǵan sharalardyń nátıjesinde jalpy kadastrlyq quny 112 476 501 teńge bolatyn 21 388,8 ga jaıylym men egistik jer is júzinde memlekettik menshikke qaıtaryldy. Sonymen birge, osy ýchaskeler Jyljymaıtyn múliktiń biryńǵaı memlekettik kadastry (JMBMK) bazasynda tirkeýden alynyp tastaldy jáne jerler memleketke resimdeldi.
Qaıtarylyp alynǵan aktıvter aýdannyń arnaıy jer qoryna aýdaryldy jáne sharýashylyq júrgizý jáne óńirdegi jaıylym tapshylyǵyn joıý úshin jergilikti turǵyndar men adal fermerler arasynda konkýrstyq negizde bólinetin bolady.
Aıta ketelik Pavlodar oblysynda quny 1 mlrd teńgege jýyq 4 jer ýchaskesi memleketke qaıtarylǵan edi.
