Qostanaı oblysynda kólik qozǵalysyna shekteý qoıý týraly
ASTANA. KAZINFORM - 2026 jylǵy 18 qarasha saǵat 23:00-de aýa raıynyń qolaısyzdyǵyna (aýa temperatýrasy mınýs bolǵan kezde jaýyn-shashynnyń túsýi) baılanysty jazǵy dóńgelektermen jabdyqtalǵan avtokólikterdiń barlyq túrleri úshin birqatar respýblıkalyq mańyzy bar avtojol ýchaskelerinde qozǵalysqa shekteý engizildi.
Olar:
- «Astana — Atbasar — Jaqsy — Rýzaevka — Sarykól — Qostanaı (aınalyp ótý jolymen) — RF shekarasy» avtojolynyń 418 — 539 shaqyrym aralyǵy (Qarabalyq kenti — Qostanaı qalasy);
- atalǵan avtojoldyń 555 — 685 shaqyrym aralyǵy (Tobyl qalasy — Sarykól kenti);
- «Qostanaı — Mamlıýtka» avtojolynyń 250 — 404 shaqyrym aralyǵy (Uzynkól kenti — Tobyl qalasy).
Joldy 2026 jylǵy 19 qarasha saǵat 08:00-de ashý josparlanǵan.
-Atalǵan shekteý sharasyna baılanysty 1403 baılanys ortalyǵyna habarlasyp, táýlik boıy qosymsha aqparat alýǵa bolady,-delingen habarlamada.
Aıta keteıik, osyǵan deıin sınoptıkter 19 qarashada eldiń birneshe óńirinde tuman túsip, kóktaıǵaq bolatynyn, qar men jańbyr jaýyp, jaıaý burqasyn jáne ekpini kúshti jel soǵatynyn eskertti.