Qostanaı oblysynda kólik qozǵalysy shekteldi

ASTANA. KAZINFORM — Qostanaı oblysynda Aqtóbe oblysynyń shekarasynan Denısovka aýylyna deıin jol jabyldy, dep habarlaıdy «QazAvtoJol» UK baspasóz qyzmeti.

— 2025 jylǵy 1 jeltoqsan saǵat 20:30–da Aqtóbe oblysynda aýa raıynyń buzylýyna baılanysty «Qostanaı — Rýdnyı — Denısovka -Komsomol — Qarabutaq» avtojolynyń 234-385 shaqyrym aralyǵyndaǵy ýchaskesinde (Aqtóbe oblysynyń shekarasy — Denısovka aýyly) júk jáne qoǵamdyq kólik túrleriniń qozǵalysyna shekteý qoıyldy, — delingen kompanııa taratqan málimette.

Joldy 2025 jylǵy 2 jeltoqsan saǵat 00:00–de ashý josparlanǵan.

Osyǵan deıin Aqtóbe oblysynda aýa raıyna baılanysty jol jabylǵanyn jazǵanbyz.