Qostanaı oblysynda kókpar kezinde at shabandozdyń ústine qulap tústi
ASTANA. KAZINFORM — Oqys oqıǵa Qostanaı aýdanyna qarasty Zarechnoe aýylynda dástúrli kókpar jarysy kezinde bolǵan, dep habarlaıdy Kazinform tilshisi.
Oqıǵa ornynan túsirilgen vıdeo kúni buryn aımaqtyq buqaralyq aqparat quraldarynda jarııalandy. Kadrlarda attyń shabandozdyń ústine qulap túskeni kórinedi.
Qostanaı aýdany ákimdiginiń habarlaýynsha, jarystarda medıtsınalyq qamtamasyz etý tolyq kólemde uıymdastyrylǵan — barlyq sport alańynda jedel járdem brıgadalary kezekshilik atqarǵan. Oqys oqıǵadan keıin zardap shekken sportshyǵa jedel túrde alǵashqy medıtsınalyq kómek kórsetilgen.
Dárigerlerdiń aıtýynsha, sportshynyń aıaǵy shyǵyp ketken. Jaǵdaıy qanaǵattanarlyq, ol dárigerlerdiń baqylaýynda jáne ózdiginen júrip-tura alady. Ómiri men densaýlyǵyna qaýip joq.
Uıymdastyrýshylar jaǵdaıdy baqylaýda ustap otyrǵandaryn aıtyp, sportshyǵa tez saýyǵyp ketýin tiledi.
Buǵan deıin Pavlodar oblysynda da osyndaı oqıǵa bolǵan — at shabandozymen birge baǵanaǵa soqtyǵysqan. 16 jastaǵy shabandoz oqıǵa ornynda til tartpaı ketti.
Sonymen qosa Qyrǵyzstanda kókpar oıyny kezinde sportshy qaıtys boldy.