Qostanaı oblysynda Qyzyl kitapqa engen sırek qyzǵaldaq gúldedi
ASTANA. KAZINFORM – Qostanaı oblysynyń dalaly aımaqtarynda Qyzyl kitapqa engen sırek qyzǵaldaq túri gúldedi.
Naýryzym memlekettik tabıǵı qoryǵynyń málimetinshe, bul názik ósimdik tómen qaraı ıilgen gúlderimen erekshelenedi jáne tabıǵatta sırek kezdesetin túrlerdiń qataryna jatady.
Mamandardyń aıtýynsha, qyzǵaldaq dalalyq jáne shóleıt aımaqtarda ósedi jáne erte kóktemde gúldep, tabıǵı landshaftqa erekshe kórik beredi.
– Bul ósimdik memleket qorǵaýynda. Sondyqtan ony julýǵa qatań tyıym salynady, – dep eskertti ekologtar.
Sarapshylar turǵyndardy tabıǵatqa uqypty qaraýǵa jáne sırek kezdesetin ósimdik túrlerin saqtaýǵa shaqyrdy.
Aıta keteıik, buǵan deıin Túrkistan oblysynyń taý bókterlerinde Greıg qyzǵaldaǵy jappaı gúldegeni habarlanǵan.
