Qostanaı oblysynda qaıtarylǵan aktıvterge 279 shaqyrym sý qubyry salynady
ASTANA. KAZINFORM — Búgingi tańda Úkimet arnaýly memlekettik qordan turǵyn úı-kommýnaldyq sharýashylyq, densaýlyq saqtaý, bilim berý jáne sport salalaryndaǵy 333 áleýmettik mańyzy bar jobany iske asyrýǵa qarajat bóldi.
Qostanaı oblysynda prokýratýra qaıtarǵan aktıvter esebinen 2025 jyldyń sońyna deıin Arqalyq, Beıimbet Maılın, Denısov, Qarabalyq, Qostanaı jáne Fedorov aýdandarynyń 9 eldi mekeninde sýmen jabdyqtaý jelileriniń qurylysyn aıaqtaý josparlanýda.
- 279 shaqyrym sý qubyry paıdalanýǵa beriledi, bul 55 myń turǵyndy sapaly aýyz sýmen qamtamasyz etedi.
Budan basqa, Jitiqara aýdanynda emhana ǵımaraty qaıta jańartylady, bul halyqqa medıtsınalyq qyzmetterdiń qoljetimdiligin arttyrýǵa múmkindik beredi, - delingen aqparatta.
Qurylys barysy men qarajattyń jumsalýy Qostanaı oblysy prokýratýrasynyń baqylaýynda.
Qostanaı oblysynda jıyrma aýyldyq órt sóndirý beketi jumys istemeıdi.