Qostanaı oblysynda kásiporyn jumysshylaryna 21,7 mln teńge jalaqysyn bermegen

QOSTANAI. KAZINFORM – Qostanaı aýdany prokýratýrasynyń taldaý nátıjesinde «Qazaq tulpary» JShS qyzmetkerlerine eńbekaqy tólenbegeni anyqtaldy, dep habarlaıdy Kazinform.

Aýdan prokýratýrasy eńbek zańnamasynyń saqtalýyn tekserý úshin oblystyq Eńbek ınspektsııasy departamentine talap joldaǵan.

- Tekserý nátıjesinde qyzmetkerlerdiń konstıtýtsııalyq quqyqtarynyń buzylǵany rastalyp, departament jumys berýshige 39 qyzmetker aldyndaǵy 21,7 mln teńge jalaqy qaryzyn óteý jóninde nusqama engizdi.

Sonymen qatar jiberilgen quqyq buzýshylyqtar úshin kásiporynǵa 157 200 teńge kóleminde ákimshilik aıyppul salyndy, - delingen baqylaýshy organnyń aqparatynda.

Aıta keteıik, Qostanaıda apellıatsııalyq sot kásipkerdiń 67 mln teńgeden astam aıyppulyn joıdy.