Qostanaı oblysynda kásipkerdi bopsalady degen kúdikpen ustalǵan adamnan 15 mln teńge tabyldy

ASTANA. KAZINFORM – Qostanaı oblysynyń Qarabalyq aýdanynda bopsalaýshy bloger ustaldy, dep habarlady búgin Polisia.kz.

Polıtsııanyń habarlaýynsha, áleýmettik jelilerde aıyptaýshy materıaldy jarııalaımyn dep bopsalap, kásipkerden asa iri mólsherde aqsha talap etken.

Ótkizilgen jedel is-sharalar barysynda blogerdi prokýratýramen birlesip, Qarabalyq aýdany polıtsııa bóliminiń qyzmetkerleri ustady. Tintý barysynda odan 15 mıllıon teńge tárkilendi.

- Bopsalaý faktisi boıynsha sotqa deıingi tergep-tekserý bastaldy. Kúdikti ýaqytsha ustaý ızolıatoryna qamaldy, - delingen habarlamada.

Osyǵan deıin Qaraǵanda oblysynda adam bopsalap, kisi tonaý, qaraqshylyqpen aınalysqan qylmystyq toptyń ustalǵanyn habarladyq.