Qostanaı oblysynda qar qursaýynan 4 adam qutqaryldy

QOSTANAI. KAZINFORM — Qarasý aýdanyndaǵy Qarasý aýylynan 10 shaqyrym jerde jeńil avtokólik qar qursaýynda qalyp qoıǵan.

«Qutqarýshylar dereý oqıǵa ornyna jetip, kólik ishindegi 4 adamdy, onyń ishinde 2 balany qar qursaýynan shyǵardy. Olarǵa medıtsınalyq kómek qajet bolmady. Azamattar jaqyn mańdaǵy eldi mekenge jetkizildi», — dep málimdedi TJM baspasóz qyzmetinen.

TJM qaýipsizdik erejelerin qatań saqtaýǵa shaqyrady.

Sonymen birge aýa raıynyń ózgerýin, joldardaǵy qozǵalystyń shektelýin qadaǵalaýdy suraıdy.

Aıta keteıik, buǵan deıin Almaty oblysyna demalýǵa kelgen jigitter qar qursaýynda qalǵanyn jazǵanbyz.