Qostanaı oblysynda ınternet arqyly esirtki satqan turǵyn ustaldy

QOSTANAI. KAZINFORM — Qostanaı oblysy Jitiqara qalasynda ınternet arqyly esirtki satý shemasy áshkerelendi, dep habarlaıdy Polisia.kz.

Polıtseıler ınternet arqyly esirtki zattaryn taratýdyń jolyn kesti. Jedel is-sharalar barysynda Jitiqara qalasynyń 18 jastaǵy turǵyny ustaldy.

— Páterdi tintý kezinde elektrondy tarazy, oraý materıaldary, uıaly telefondar jáne untaq tárizdi zattar tabylyp, tárkilendi. Alynǵan zattardyń jalpy salmaǵy shamamen 800 grammdy qurady. Aldyn ala málimet boıynsha kúdikti messendjer arqyly jumys istegen ınternet-dúkenmen baılanysta bolǵan, — delingen aqparatta.

Qazirgi ýaqytta saraptamalar taǵaıyndalyp, tergeý amaldary júrgizilip jatyr.

Aıta keteıik, Almaty polıtsııasy 2025 jyly jarty tonnadan astam esirtki tárkiledi.