Qostanaı oblysynda jubaıy men enesin óltirgen er adam 19 jylǵa sottaldy
QOSTANAI. KAZINFORM — Qostanaı oblysynyń turǵyny asa qatygezdikpen eki adamdy óltirgeni úshin 19 jylǵa sottaldy.
Sot dereginshe, 2025 jyldyń shilde aıynda aıyptalýshy oıbasylyq janjal kezinde jubaıyna jáne onyń anasyna birneshe pyshaq jaraqatyn salǵan. Jaraqat saldarynan eki áıel oqıǵa ornynda kóz jumǵan. Osydan keıin er adam qashyp ketken.
Memlekettik aıyptaýshy oǵan 20 jyl bas bostandyǵynan aıyrý jazasyn surady. Jábirlenýshiler ókili de qatań jaza taǵaıyndaýdy talap etken. Aıyptalýshy kinásin ishinara moıyndady.
Sot Qylmystyq kodekstiń 99-babynyń 2-bóligi 15 jyldan 20 jylǵa deıingi merzimge bas bostandyǵynan aıyrý jazasyn qarastyratynyn atap ótti. Іste jeńildetetin de, aýyrlatatyn da mán-jaılar anyqtalmaǵan. Qylmystyń sıpatyn jáne aıyptalýshy týraly derekterdi eskere otyryp, sot ony ortasha qaýipsizdik mekemesinde 19 jylǵa bas bostandyǵynan aıyrý jazasyna kesti.
Sonymen qatar moraldyq zalal óndirý týraly azamattyq talap tolyq kólemde qanaǵattandyryldy.
Úkim áli zańdy kúshine engen joq.
Buǵan deıin elordada Almaty qalasy ákiminiń burynǵy orynbasary Erjan Babaqumarovtyń kisi qolynan qaza tapqany habarlanǵan edi.
Sondaı-aq Jetisý obbysyndaǵy óz áıelin aıýandyqpen óltirý oqıǵasy boıynsha tergeý aıaqtalǵanyn jazdyq.