Qostanaı oblysynda elýden astam qasqyrdy atýǵa ruqsat berildi

QOSTANAI. KAZINFORM — Túz taǵysyn atýǵa úı janýarlaryna shabýyl jasalǵan jaǵdaıda ǵana ruqsat etiledi. Janýarlardy ustaý shegi 53 bas bolyp bekitildi. 

Bıologııalyq negizdemege sáıkes, janýarlar sanyn retteý merzimi 2024 jyldyń 31 jeltoqsanyna deıin belgilengen.

— Qostanaı oblysy boıynsha 53 qasqyrdy joıýǵa ruqsat etildi. Aıta ketetin jaıt, Qostanaı oblysynda qasqyr sanyn retteýge shekteý qoıylǵan, qańǵybas qasqyrlar eldimekender aýmaǵyna ótip ketken jaǵdaıda ǵana olardy atýǵa ruqsat etiledi, — dedi janýarlar álemi jáne ańshylyq sharýashylyǵy bóliminiń bas mamany Rýstam Bıdıbaev.

Janýardy atý lıtsenzııasyn QR elektrondy lıtsenzııalaý veb-portaly — elicense.kz-ten alýǵa bolady.