Qostanaı oblysynda eki bala ıis tıip ýlandy
15 qazan kúni Qostanaı oblystyq aýrýhanasyna ıis tıgen degen dıagnozben eki bala jetkizildi. Oqıǵa ornyna aýdandyq tótenshe jaǵdaılar bóliminen jedel top shyqty, dep habarlaıdy Kazinform.
Oqıǵa Tobyl qalasynda boldy. 2016 jyly týǵan ul bala men 2021 jyly týǵan qyz bala úılerinde ıis tıip ýlanyp qalǵan. Oqıǵa ornyna jetken jedel top ókilderi onda eshteńeniń janbaǵanyn peshtiń aqaýy joq, durys jumys istep turǵanyn anyqtaıdy.
«Balalardyń ata-analarynyń sózinshe, olar 2023 jyldyń mamyr aıynan beri ol úıde turmaǵan. 14-qazan kúni ǵana osy úıge kelip, túnde úı ıesi pesh jaqqan. Er adam qonaq bólmesine jatyp, balalar jatyn bólmege uıyqtaǵan. Tań ata balalardyń basy aınalyp, júrekteri aını bastaǵan. Anasy jedel járdem shaqyrtyp, balalar ıis tıgen degen dıagnozben aýrýhanaǵa jatqyzyldy»,-delingen Qostanaı oblystyq Tótenshe jaǵdaılar departamenti baspasóz qyzmetiniń habarlamasynda.
Oqıǵanyń aldyn ala sebebi órt qaýipsizdigi tártibi buzylǵan. Osy jáıt boıynsha úı ıesi ákimshilik jaýapqa artyldy.
