Qostanaı oblysynda «CVK» qarjy pıramıdasynyń isi tergelip jatyr
ASTANA. KAZINFORM — QR QMA Qostanaı oblysy boıynsha ekonomıkalyq tergeý departamenti qarjy pıramıdasyn qurý jáne basqarý faktisi boıynsha sotqa deıingi tergeý amaldaryn júrgizdi. Zardap shekken turǵyndardan organdarǵa habarlasý suralyp otyr, dep habarlaıdy Kazinform tilshisi.
Departament málimetinshe, tergeý aıasynda aıyptalýshylar — 47 jastaǵy Jánııa Muqasheva, 49 jastaǵy Álııa Moljigitova, sondaı-aq basqa adamdar.
Tergeý málimetinshe, kúdiktiler 2025 jyldyń maýsymynan 2026 jyldyń mamyryna deıin azamattar qarajatyn «CVK» qarjy pıramıdasyna ınvestıtsııa jasaý túrinde tartqan.
Osyǵan baılanysty Ekonomıkalyq tergeý departamenti aımaq turǵyndaryna júginedi.
«CVK» qarjy pıramıdasynyń qyzmeti saldarynan materıaldyq zalal keltirilgen azamattardan Qostanaı oblysy boıynsha ETD-ǵa myna mekenjaı boıynsha habarlasý suralyp otyr: Qostanaı qalasy, Gogol kóshesi, 183. Sondaı-aq kezekshi bólimniń +7 (714-25) 3-60-26, +7-705-330-63-66 telefon nómirleri arqyly habarlasýǵa bolady.
Osyǵan deıin Qyzylordada qarjy pıramıdasyn basqarǵan azamat 5 jylǵa sottalǵanyn habarladyq.
Al SQO-da «ınvestıtsııaǵa» qarjy salǵan zeınetker 7 mln teńgesinen aıyryldy.
