Qostanaı oblysynda burqasyn saldarynan 114 eldimeken áli de jaryqsyz otyr

15 aýdan men birqatar eldi mekende áli de jaryq joq. Elektr energııasy Qostanaı men Rýdnyıdyń barlyq bóliginde qalpyna keltirildi, dep habarlaıdy Kazinform tilshisi. 

Buǵan deıin 103 eldi meken jaryqsyz qalǵany habarlanǵan bolatyn. Oǵan aqtútek boran sebep bolǵan.

Oblystyq ákimdik joǵalyp ketken zeınetker men onyń nemeresin izdeý jalǵasyp jatqanyn aıtty.

— 27 jeltoqsan 9:00-degi jaǵdaı boıynsha, oblystaǵy tas joldarda 24 adam qutqaryldy, 35 turǵyn evakýatsııalanyp, 317 adam jylytý oryndaryna ornalastyryldy, - dep tolyqtyrdy vedomstvo.

Keshe boran saldarynan birden 10 kólik soqtyǵysqan bolatyn.

Lısakovskta shyrsha qulasa, Tobylda kópqabatty úıdiń shatyry opyrylyp tústi.