Qostanaı oblysynda bir táýlikte úsh kólik órtendi

ASTANA. KAZINFORM – Qostanaı oblysynda bir táýlikte úsh kólik órtendi, dep habarlaıdy QR Tótenshe jaǵdaılar mınıstrliginiń baspasóz qyzmeti.

Baspasóz málimetterine qaraǵanda, birinshi oqıǵa Qostanaı qalasyndaǵy garaj kooperatıviniń aýmaǵynda boldy. Qutqarýshylardyń kúshimen órttiń basqa avtomobılderge taralýyna jol berilmedi.

Ekinshi kólik Arqalyqta órtendi. Qutqarýshylar órtti shaqyrylǵan sátten bastap 14 mınýt ishinde sóndirdi.

Taǵy bir kólik túnde Meńdiqara aýdany Borovskoe aýylynan 15 shaqyrym jerde Respýblıkalyq mańyzy bar «Qostanaı-Mamlıýtka» tas jolynda avtokólik órtendi.

Órt sóndirýshiler oqıǵa týraly habarlanǵan sátten bastap 28 mınýt ishinde órtti sóndirdi.