Qostanaı oblysynda bir aýyldyń turǵyndary ishimdikten bas tartty
QOSTANAI. KAZINFORM — Qostanaı oblysy Amangeldi aýdany Qabyrǵa aýyldyq okrýginde barlyq saýda oryndary alkogoldik ónimderdi satýdan erikti túrde bas tartty.
Oblystyq prokýratýranyń málimetinshe, aýyldaǵy dúken ıelerimen túsindirme jumystary júrgizilgen. Osy kelissózderden keıin kásip ıeleri bul sheshimdi biraýyzdan qoldap, ishimdik satýdy óz erkimen toqtatýǵa kelisti.
Qabyrǵa aýylynda 214 turǵyn bar. Bul bastamaǵa aýyl turǵyndary qoldaý bildirdi. Saýalnama qatysýshylardyń barlyǵy aýylda alkogoldi ónimderdi satýǵa tyıym salýdy qoldaıtynyn anyqtady.
Qabyrǵa aýyly bul bastama tolyǵymen júzege asqan óńirdegi alǵashqy aýyldyq okrýgterdiń biri boldy.
Aýdan prokýrorymen jeke kezdesýde aýyldyń turǵyndary sheshimdi qoldaıtyndyqtaryn jetkizdi. Sońǵy úsh jylda aýylda ishimdik ishýge qatysty birde-bir qylmystyq nemese ákimshilik quqyq buzýshylyq tirkelmegeni atap ótildi.
Aıta keteıik, Pavlodar oblysynda 20 aýyl, Shyǵys Qazaqstanda 22 aýyl ishimdikten bas tartty.
